Armando Castosa Alvariño | Alcalde de Cospeito

Benvido / benvida á páxina web do Concello de Cospeito.

Como Alcalde é para min unha satisfacción poder saudar a todos aqueles que decidiron facer unha visita virtual a Cospeito a través da súa páxina web municipal, a cal pretende ser unha xanela aberta ao mundo e un escaparate onde se mostren aqueles contidos de interese para os nosos veciños e visitantes en xeral.

Ao mesmo tempo aproveitando as novas tecnoloxías pretendemos ofrecer aos nosos veciños a posibilidade de acceder a diversos servizos municipais para axilizar trámites e xestións coa Administración local.

Cospeito é un municipio plenamente integrado nos novos tempos e que busca día a día mellorar a súa calidade de vida, a posta en marcha desta web é claro exemplo diso.

Queremos que este portal sexa un valioso instrumento e unha nova canle de comunicación e participación de todos os veciños co seu Concello.

Estamos convencidos de que esta conexión que abrimos directamente a cada veciño que queira utilizala, permitiranos ser máis eficaces e facer un Cospeito mellor.

Por todo iso, convídolles a que participen neste proxecto, a que expresen as súas opinións e fágannos chegar as suxestións e propostas que crean oportunas.

Sen dúbida axudarannos a seguir mellorando.

Un cordial e afectuoso saúdo.

Armando Castosa Alvariño Alcalde de Cospeito.